ШҚО-да майлы дақылдар өндіретін зауыт іске қосылды
«QAZAQ-ASTYQ GROUP» ЖШС отандық инвесторы "KAZAKH INVEST "ҰК" АҚ қолдауымен Семей қаласында өсімдік майын өндіретін инновациялық май экстракциялық зауытты іске қосты. Құны 7.5 млрд. теңге болатын жобаны іске асыру 250-ден астам жаңа тұрақты жұмыс орындарын құруға мүмкіндік берді.
Инвесторлардың айтуынша, шикізатты өңдеу қуаттылығы күнбағыс тұқымдары бойынша тәулігіне 1000 тоннаны немесе рапс және зығыр тұқымдары бойынша 800 тоннаны құрайды.
Мультимәдени зауыт өнімділігі 118 мың тонна тазартылмаған өсімдік майы, 100 мың тонна күнбағыс шроты, 50 мың тонна күнбағыс қауызынан жасалған отын түйіршіктері және 2 700 тонна фосфатидті концентрат болатын Орталық Азиядағы күнбағыс, рапс, соя, зығыр тұқымдарын қайта өңдеу бойынша флагман болуға әлеуеті бар.
Іске асырылып жатқан жоба өндірістің ұлттық және халықаралық технологиялық және экологиялық стандарттарына толық жауап береді және қалдықсыз өндіріс болып табылады. «QAZAQ-ASTYQ GROUP» ЖШС өкілдерінің айтуынша, зауыт үшін негізгі жабдық Болгарияда, Түркияда және Украинада өндірілген.
Жоба өсімдік майын өндіру процесін жоғары автоматтандыруды көздейді, ол шикізатты қабылдаудан бастап, дайын өнімді жөнелтуге дейінгі технологиялық процестің барлық тізбегін басқаруды қамтиды. Әрбір жабдықтың бағдарламалық жасақтамасы бір жаһандық бағдарламаға біріктіріліп, ең тиімді өндіріс технологиясын автоматты түрде анықтайды және реттейді.
Айта кету керек, зауыттың барлық өнімі экспорттық әлеуетке ие және Қытай, Өзбекстан, Иран, Үндістан, Пәкістан және т.б. елдерге экспортталатын болады.
