Тауарлар
Өндірістің орташа көлемі келесідей жоспарлануда: жүн – 183 тонна, вакуумдалған ет – 2 473 тонна; 1-ші санаттағы жанама өнімдер – 412 тонна; 2-ші санаттағы жанама өнімдер – 361 тонна; жуылған ішек – 348 тонна; тағамдық май - 294 тонна; техникалық май - 51 тонна; ет және сүйек ұны – 34 тонна; жуылған тері – 507 тонна.
Жоба
Бұл инвестициялық жоба («Жоба») 200 мың бас қойдан кем емес мал басы бар мал шаруашылығын дамытуға арналған мегаферма құруды жоспарлап отыр. Сондай-ақ Жобада уақ малды қайта өңдеуге арналған қуаттылығы жылына 4 мың тоннаға дейін жететін ет комбинатының құрылысы қарастырылған. Зауыт Қарағанды облысының Балқаш қаласында салынады деп жоспарлануда.
Компания
Жобаның бастамашысы осы жобаны жүзеге асыру мақсатында құрылған «Qazaq Steppe Sheep» ЖШС болып табылады.
Нарық
- Өсіп келе жатқан сұраныс. Қазақстанда соңғы төрт жылда қой етін тұтыну артып, 2021 жылы 171,3 мың тоннаны құрады. ЭЫДҰ болжамы бойынша, 2026 жылы елімізде қой етін тұтыну деңгейі 176 мың тоннаға жетеді.
- Өндіріс үшін шикізаттың болуы. 2021 жылы Қазақстан Республикасындағы ұсақ мал басының саны 20 856,5 мың басты құрады. Соңғы бес жылда ұсақ мал басының орташа жылдық өсу қарқыны 3,28 пайызды құрады. Республика бойынша жыл сайын 312,55 мың тоннаға жуық қой, 40,52 мың тонна ешкі союға жіберіледі.
- Жем өндірісі. Елімізде айтарлықтай егістік алқаптары бар, су ресурстары және қолайлы климаттық жағдайлар мал азығын өндірудің жоғары әлеуетін туғызады. 2022 жылғы 1 қаңтардағы жағдай бойынша Қазақстан Республикасында 37 миллион тонна жем жиналды.
- Шикізатпен қамтамасыз ету. 200 000 бас қойдан кем емес мал басы бар мал шаруашылығын дамыту үшін ферманың мегақұрылымын құру жоспарлануда. Алғашқы 2 жылда Моңғолиядан бір отар қой мен қошқар әкелу жоспарлануда.
- Жобаның қолайлы орналасуы. Қарағанды облысы мал шаруашылығын дамыту үшін оңтайлы табиғи-климаттық жағдайлары мен географиялық орналасуына ие және ауыл шаруашылығы өнімдерін өндіру мен өңдеу бойынша Қазақстан Республикасының жетекші аймақтарының бірі болып табылады. 2021 жылға облыстың жалпы өңірлік өніміндегі ауыл шаруашылығының үлесі 3,6 пайызды құрайды, мұндағы көлемнің 56,8 пайызын мал шаруашылығы өнімдері құрайды. Серіктестіктің жайылымдары облыс орталығы – Қарағанды қаласынан 160 шақырым жерде орналасқан.
Жобаны іске асыру үшін 55 476 мың АҚШ доллары сомасында қаржыландыру қажет, оның ішінде:
- 70% (38 833 мың АҚШ доллары) – қарыздық қаржыландыру (қамтамасыз ету шарты бойынша);
- 30%-дан (16 643 мың АҚШ доллары) – инвесторлардың қатысуы.
